دارميات كلش حلو والله

------------------------------------------------------------------ --------------

ســــــــــــــلام عليــــكم



دارميات لأخواني المحبين والمحبات


عدك عكل لليل وتعده ساعات
خي عونك بدنياك بفراشك تبات
-------
ينام ويعرف النوم كلبك شمكواه
كل دكه كلبي ايريد من عندي هواه
*******
شامت وكف بالباب حاير شكله
ارتجي عل مكسور لو دمعي أهله
-------
ارتجي علل مكسور وحجي بجلاده
وأضحك ضحك بطران وحرك افاده
*******
هاك ابره هاك الخيط خويه ارد اكلفك
الجرح بالدلال شله عله عرفك
-------
شنهي ابره شنهي الخيط شنهي الريافه
الكلب لوله يشوف ولفه تعافه
-------
هاج ابرتج هاج الخيط خويه أمشي عني
لوبيه اشل اجروح جنت اشل ذني
*******
ظلمه ومطر ورعيد وي عوية الذيب
كل هذا واتعناك من اذكر الطيب
-------
روحي اشتهت ملكاك يا ناكر الطيب
ما غزر وياك طبعك طبع ذيب
-------
الذيب يذكر طيب هم من تربيه
ينكلب عكرب ليش أبنادم شبيه....؟؟؟
*******
ريت الكلب ياهواي ينطر وراويك
جاكلت عفيه عليك دم ولحم بيك
-------
كون الكلب بي باب ينطر تشوفه
لو شفت غيرك بيه حك من تعوفه
-------
كون الكلب بيه باب وتشوفه العيون
جان اعذرتني الناس حته اليلومون
*******
ارد اسأل الحكام واهل العداله
لو مصخ ملح الزاد شتحط بداله
-------
لو مصخ ملح الزاد حط دمع العيون
اشحدهم بعد يفلان ماصخ يكولون
*******
فاله ام خمس شاخات خشنه وجديده
حطهه ابدليلي وكال اطني الحديده
-------
زين انت من داعاك بس بالحديده
وك عل صدر حط رجليه واطلعهه بيده
-------
متعجب بدنياه شجته فاله
مد ايده للدلال من عرجه شاله
*******
لا تشل ببره وخيط شل جرحك بسيم
خافن رجيج الخيط ويكطعه الظيم
-------
ما ينفع لجرحك سيم شده بحديده
لا يرج بيه الظيم صبرك اريده
*******
بحبك صرت ملغوم وصرت انتحاري
تفجيري عل ريمونت وبيدك قراري
-------
اتفجر بذكرك دوم وعندك اسراري
كل سنه عليكم خير وتشعشع انواري
*******

هواي اريد هواي هواي اريده
ما كوم انه مناه الا ايدي بيده
-------
هواي يا اهل اهواي عذبتو حالي
لوكف ابنص الناس واصرخ تعالي
*******
عد وانه اعد ونشوف ياهو اكثر اهموم
من عمري سبع اسنين وكليبي ملجوم
-------
عد وانه اعد ونشوف ياهو اكثر اهموم
ما نصف دهري وياي بيعني الهدوم
-------
ياهم تريد اشجيه يالتشجي الهموم
صعبه اليالي وياي والحمزه ملجوم
*******
همك وهم الناس وهم هم الهموم
لو وحده منهن بيك ما تكدر تكوم
-------
نتحاسب انه وياك ياهو اكثر هموم
عندي بكثر دنياك والباقي مظموم
*******
لا تنشد عل الحال يوم ارده من يوم
خشبه ونبت بسمار بمتوني للدوم
-------
لا تنشد عل الحال خليهه وسكت
اشتظن بالتبليط الشجره تنبت
-------
لا تنشد عل الحال حاله اشوه من حاله
سمجه وشحيح الماي وبظهري فاله

*******

الدهر بس وياي راكب احصانه
ويكلي وين تريد كدامك انه

*******
الحمزه هذا اعليج وانت امسيه
عينج تصد للغير لو بس آليه
-------
الحمزه هذا اهناه وانه بمسيه
مثل اليطب للسوك روحه طريه ...؟؟
******

متعجب انت تكول دمعك سمج بيه
دمعي فاض اشطوط حوت الغرك بيه